Lestu um leikinn: Þýskaland 2 -  3 Ísland

„Þetta var lengsti leikur sem ég hef spilað og ég er ánægð með að hann er búinn en djöfull var þetta gaman," bætti hún við.

Ísland komst í 3-1 en Þýskaland minnkaði muninn í 2-3 seint í leiknum og mikil spenna var fram að lokaflautinu. En hvað skóp sigurinn?

„Bara hausinn á okkur, við vorum allar búnar á því í endann en keyrðum hvora aðra áfram. Ef einhver var aðeins að detta út þá var bara kippt í hana og allt fór í gang aftur."

En höfðuð þið trú á þessu fyrir leik?

„Auðvitað, við höfum trú á því að við getum unnið alla. Við vitum að við erum ekki betra liðið, þær eru hæfileikaríkari en við en við höfum viljann og það fleytir okkur langt."

Spennan í lokin var óbærileg þegar þýska liðið fór allt í sókn en hvernig var að spila lokamínúturnar?

„Þær voru mjög erfiðar.Ég fékk feita sýru í lappirnar við að hlaupa á eftir henni og hélt að ég væri bara búin en við náðum einhvern veginn að klára þetta og ég er fáránlega glöð með þetta."