Lestu um leikinn: Þýskaland 2 -  3 Ísland

Íslenski hópurinn hefur verið rólegur á æfingum fyrir leikinn alla vikuna en áttu þær alltaf von á að geta unnið Þýskaland sem er eitt allra sterkasta landslið heims?

„Ef maður hefur ekki trú á sjálfum sér þá hefur enginn trú á manni," sagði Sif. „Freysi og Ási settu þetta ótrúlega vel upp fyrir okkur og voru búnir að taka þær vel út. Ef maður er í prófi þá var þetta 10 í einkunn!"

„Við fórum vel yfir þær, vissum veikleikana og styrkleikana og ákváðum að nýta þeirra veikleika vel. Þetta voru frábær mörk sem við skoruðum og við hefðum getað sett fleiri. Ég er ánægð með sigurinn en við náum okkur niður í kvöld og svo er strax Tékkland á þriðjudaginn."

Það var fín mæting á leikinn í Þýskalandi en smá hópur Íslendinga lét heyra vel í sér.

„Það var ótrúlega merkilegt, svo fann ég að Þjóðverjarnir voru farnir að klappa með okkur. Þeir voru heillaðir af okkur í lokin, það er gaman að geta heillað fleiri en okkar þjóð. Það er geggjað."

Nánar er rætt við Sif í sjónvarpinu hér að ofan.