Páll Viðar hætti sem þjálfari Þórs eftir fall liðsins úr Pepsi-deildinni í sumar en hann hafði stýrt liðinu frá því vorið 2010.

,,Ég tók mér ágætis tíma í að skoða málin og þetta er spennandi verkefni. Þetta er áskorun á mann að breyta aðeins til," sagði Páll Viðar við Fótbolta.net í dag.

Völsungur féll úr 2. deildinni á markatölu í sumar og féll annað árið í röð því liðið fór niður úr 1. deildinni í fyrra. Páll segir að stefnan sé að komast beint aftur upp úr 3. deildinni næsta sumar.

,,Ég held að það sé alveg pottþétt markmiðið hjá liði eins og Völsungi að fara upp," sagði Páll.