Úrugvæski varnarmaðurinn Diego Godin sem leikur fyrir Spánarmeistara Atletico Madrid hefur verið orðaður við Manchester United undanfarið.
Það er þó ekkert fararsnið á kappanum sem kveðst ánægður hjá Madrídarliðinu og sér fyrir sér að vera þar í mörg ár en Godin er 28 ára gamall.
,,Mér líður eins og ég sé á hátindi ferilsins og ég á mikið eftir. Ég væri til í að vera hér í mörg ár í viðbót. Einn daginn mun ég snúa aftur til Úrugvæ en það er erfitt að segja til um hvenær það verður," sagði Godin.
Godin hefur þó klásúlu í samning sínum sem gerir honum kleift að ræða við önnur lið ef tilboð uppá 29 milljónir evra berst.
Athugasemdir