Hollenski markahrókurinn Klaas-Jan Huntelaar er ekki á förum frá Schalke en hann er búinn að skrifa undir nýjan samning sem gildir til 2017.
Huntelaar hefur reglulega verið orðaður við stærstu lið Englands og var jafnvel talið að einhver þeirra myndu falast eftir kröftum hans í janúar en kappinn er orðinn 31 árs.
,,Ég hef alltaf sagt að ég er ánægður hérna og það er frábært að vera búinn að framlengja samninginn. Það voru engir aðrir möguleikar sem heilluðu mig." sagði Hollendingurinn.
Huntelaar er þriðji markahæsti leikmaðurinn í sögu Schalke en hann var keyptur til félagsins fyrir metfé frá AC Milan árið 2010 og hefur skorað 66 mörk í 116 deildarleikjum.
Athugasemdir