Heimild: Thorsport
Loftur við undirskriftina í dag
Þórsarar gengu frá samningum við þrjá leikmenn í dag en frá þessu er greint á heimasíðu félagsins.
Loftur Páll Eiríksson kemur til liðsins frá Tindastól en Loftur er 22 ára varnarmaður sem á að baki 90 leiki með Tindastól í 1., 2. og 3.deild en þar lék hann meðal annars undir stjórn Halldórs Jóns Sigurðssonar, sem nú þjálfar lið Þórs.
Við sama tækifæri skrifuðu tveir heimamenn undir nýja samninga, þeir Halldór Orri Hjaltason og Alexander Ívan Bjarnason. Halldór Orri hefur áður komið við sögu hjá meistaraflokki Þórs en hefur einnig leikið með Dalvík/Reyni og Völsungi. Alexander Ívan er fæddur 1998 og á fjóra landsleiki með U-17.
Þór féll úr Pepsi-deildinni síðasta sumar og hafa misst sjö leikmenn frá síðasta sumri en Loftur er fyrsti leikmaðurinn sem Halldór Jón Sigurðsson fær til liðsins.
Athugasemdir
