Pepe Mel, fyrrverandi þjálfari West Brom hefur verið ráðinn þjálfari spænska liðsins Real Betis til lok leiktíðarinnar. Liðið leikur í næstefstu deild Spánar.
Hinn 51 árs gamli Mel er þar með kominn til Betis í þriðja skipti en hann kom þeim upp um deild árið 2011 ásamt því að liðið komst í Evrópu deildina undir hans stjórn, árið 2013.
Mel spilaði einnig með liðinu sem framherji á árunum 1989 og 1993 þar sem hann skoraði 50 mörk í 112 leikjum.
Betis féllu úr úrvalsdeildinni á síðustu leiktíð en þeir eru í fjórða sæti 1.deildarinnar, sex stigum á eftir Las Palmas sem eru á toppnum.
Athugasemdir