Markovic kom til Liverpool á 20 milljónir punda frá Benfica í sumar en hann átti erfiða byrjun sem leikmaður Liverpool þar sem liðinu hefur ekki gengið sem skildi.

Hann átti þó góðan leik á vinstri kantinum og skoraði mark gegn Bournemouth í enska deildarbikarnum á miðvikudag.

,,Þetta var frábær afgreiðsla. Hann var frábær í leiknum. Hann var orkumikill og með mikil gæði og ógnaði mikið," sagði Rodgers um kappan.

,,Hann spilaði 15 mínútur gegn Basel og fékk rautt spjald, það voru mikil vonbrigði því hann hafði komið vel inn í leikinn. Það er Markovic sem við þekkjum."

,,Hann er aðeins tvítugur og hann á bara eftir að vera betri, hann er spennandi leikmaður," sagði Rodgers að lokum.