Manchester United og Stoke gerðu 1-1 jafntefli í ensku úrvalsdeildinni í dag.

Stoke komst yfir eftir 19 mínútur er Juan Mata skoraði í eigið mark. Staðan var 1-0, alveg fram í uppbótartíma en þá skoraði Wayne Rooney með fallegri aukaspyrnu og jafnaði hann metin.

Þetta var 250. mark Rooney fyrir Manchester United og er hann markahæsti leikmaður í sögu félagsins fyrir vikið. Samkvæmt einkunnargjöf Sky fengu nokkrir leikmenn beggja liða sjö af tíu mögulegum í einkunn fyrir leikinn.

Wayne Rooney er einn af þeim og fær hann að vera maður leiksins vegna metsins sem hann sló.