Carlos Tevez segist ekki vera á jafn háum launum hjá kínverska félaginu Shangai Shenhua og og talið var í fyrstu.
Argentínumaðurinn kom til Shangai í mánuðinum er félagið keypti hann á níu milljónir punda frá Boca Juniors.
Talið var að Tevez væri á 610.000 pundum á viku og færi launahæsti leikmaður heims.
Hann spjallaði við fréttamenn á fréttamannafundi í dag þar sem hann talaði m.a um launin sín.
„Launatölurnar sem fólk hefur verið að tala um eru mikið hærri en í raun og veru. Mér líður eins og ég sé heima hjá mér í Kína. Mér hefur verið tekið mjög vel," sagði Tevez.
Athugasemdir