Brynjar Þór Gestsson, þjálfari ÍR, spjallaði við Fótbolta.net eftir 2-2 jafntefli gegn Fram í Reykjavíkurmótinu.
Brynjar talaði um að styrkja leikmannahópinn fyrir komandi átök sumarsins, þar sem ÍR mun leika í Inkasso-deildinni.
Brynjar talaði um að styrkja leikmannahópinn fyrir komandi átök sumarsins, þar sem ÍR mun leika í Inkasso-deildinni.
„Ég var búinn að vera í Vogunum í eitt ár og þetta starf hentaði mér betur," sagði Brynjar, en hann stýrði Þrótti Vogum upp í 2. deild síðasta sumar.
„Við erum að vinna í leikmannamálum. Við erum að skoða unga stráka sem eru að koma upp úr 2. flokk í liðunum í kringum okkur. Svo náum við vonandi að þétta þetta með einum, tveim eða þrem sem eru leikreyndari."
Brynjar segist ánægður með að vera kominn með Björgvin Stefán Pétursson í sínar raðir og efast um að félagið eigi efni á að krækja í hinn reynslumikla Grétar Sigfinn Sigurðarson.
„Við erum ekki komnir svo langt að vera búnir að setja okkur markmið en við ætlum klárlega að gera betur en í fyrra. Við erum með fullt af góðum fótboltamönnum."
Athugasemdir