banner
   sun 21. janúar 2018 12:43
Guðmundur Aðalsteinn Ásgeirsson
Myndband: Sanchez er á leiðinni til Manchester
Mynd: Getty Images
Það er ekki leyndarmál að Alexis Sanchez sé á leið til Manchester United og sérstaklega ekki eftir að leikmaðurinn sjálfur birti myndband á Instagram síðu sinni í dag þar sem hann sést stíga upp í flugvél. Gera má fastlega ráð fyrir því að hún sé á leið til Manchester.

Stuðningsmenn Manchester United óþreyjufullir síðustu daga eftir fréttum af félagaskiptunum.

Henrikh Mkhitaryan mun fara í hina áttina en um er að ræða slétt skipti á leikmönnunum, hvorugt félag borgar kaupverð.

Sanchez er á leið í læknisskoðun hjá United á Carrington, æfingasvæði félagsins en á meðan fer Mkhitaryan í læknisskoðun hjá Arsenal. Mkhitaryan sást í Lundúnum í gær.

Ekki er þó víst að félögin staðfesti félagaskiptin í dag, líklegra er að það gerist á morgun. Félögin munu væntanlega birta staðfestingu á skiptunum á svipuðum tíma.

Hér að neðan er myndbandið sem Sanchez birti á Instagram.









Athugasemdir
banner
banner
banner
banner