„Ég er svolítið feginn að þetta er bara Kosóvó. Við vitum að þetta er gott fótboltalið en það er í mótun á meðan við erum eitthvað mótaðasta fótboltalið sem er til í Evrópu í dag. Þetta mun hafa mikil áhrif og þetta verður erfiður leikur út af því," bætti Tómas við.

„Ég er ekki sammála því að þetta sé svona mikil blóðtaka. Það er ákveðið system í gangi þarna og menn labba inn í það. Emil (Hallfreðsson) og Arnór (Ingvi Traustason) koma inn og þeir þekkja þetta. Kolli er stærsti missirinn fyrir okkar uppspil út af styrk og hæð í loftinu. Mér finnst mesti missirinn líka vera í Birki. Hann er drífandi bæði varnar og sóknarlega og skorar mörk," sagði Brynjar Björn Gunnarsson í þættinum.

„Við munum sakna þeirra að einhverju leyti, sérstalega í uppspili úr vörninni. Kári hefur átt ófáar sendingarnar upp á Kolbein til að létta á pressu og tengja miðjumenn í spil," sagði Kristján Guðmundsson.

„Þetta verður ekki eins erfitt og ef það myndi til dæmis vanta maga leikmenn í varnarlínunni eða á miðjunni. Ég ber full traust til leikmanna sem koma inn. Þeir eru góðir leikmenn. Að sjálfsögðu veikir þetta liðið en ég hef trú á þeim sem koma inn," sagði Kristján og Brynjar Björn tók undir með honum með það að forföllin gætu bitnað meira á liðinu ef þau væru öðrum stöðum á vellinum,

„Þú ert með grunninn og beinagrindina í öftustu sex mönnunum og markmanninum. Það er auðvedara að setja menn inn á vængina og fram. Við erum með góða og frambærilega menn í það. Það er búið að spila nokkra æfingaleiki frá áramótum og það mun koma til góða," sagði Brynjar Björn.

Alfreð og Kolbeinn hafa verið duglegir að skora með landsliðinu undanfarin ár en þeir verða ekki með á föstudag. „Ég tippa á að það verði Selfoss tvenna í byrjunarliðinu og mörkin koma frá Viðari Erni. Jón Daði hjálpar honum í því," sagði Kristján aðspurður hvaðan mörkin eiga að koma.

Sjá einnig:
Sjónvarpið: Hvernig á byrjunarliðið að vera gegn Kosóvó?
Sjónvarpið: „Væri Viðar í landsliðinu núna ef Lars væri þjálfari?“