Norska félagið Lilleström er þessa dagana með tvo fyrrum leikmenn úr ensku úrvalsdeildinni á reynslu.
Um er að ræða Nigel Reo-Coker fyrrum miðjumann West Ham og Luke Moore fyrrum framherja Aston Villa.
Hinn 32 ára gamli Reo-Coker er án félags en hann fór frá Monrteal Impact í MLS-deildinni í fyrra.
Reo-Coker lék með Wimbledon, West Ham, Aston Villa, Bolton og Ipswich á ferli sínum á Englandi.
Moore er 31 árs gamall en hann lék á sínum tíma með Aston Villa, WBA og Swansea. Moore er félagslaus en hann var síðast á mála hjá Toronto í MLS-deildinni.
Rúnar Kristinsson þjálfaði Lilleström á síðasta tímabili en liðið hefur oft verið með íslenska leikmenn innanborðs. Enginn Íslendingur er þó hjá félaginu í dag.
Athugasemdir