FH komst í úrslitaleik Lengjubikarsins eftir sigur á KR í vítaspyrnukeppni í dag. Staðan var 1-1 að loknum venjulegum leiktíma.
„Stjáni gerði gæfumuninn með því að verja þessar tvær vítaspyrnur. Það var ekki mikið í spilunum. Þetta var jafn leikur. FH var betra liðið í fyrri hálfleik og við kannski ívið betri í síðari en það reyndi nánast ekkert á markverðina allan leikinn," segir Rúnar Kristinsson, þjálfari KR.
„Þetta var ekki fallegur leikur og mikið um langa bolta. Völlurinn er erfiður þegar hann er svona þurr og vallaraðstæður gera það að verkum að ekki er hægt að sýna snilldartakta. Boltinn skoppar illa og gerir báðum liðum erfitt fyrir. Það er fullt af góðum leikmönnum í báðum liðum en hæfileikarnir njóta sín ekki vel við þessar aðstæður."
Viðtalið við Rúnar má sjá í heild sinni í sjónvarpinu hér að ofan en þar tjáir hann sig meðal annars um lokaundirbúning KR-inga fyrir Pepsi-deildina.
Athugasemdir