Hinn 27 ára gamli Bale hefur misst af síðustu tveimur leikjum sinna manna vegna meiðsla, en hann var mættur á æfingu í gær.

Barcelona, andstæðingar Real Madrid, verða án Neymar í leiknum, en hann er í banni eftir að hafa fengið rauða spjaldið gegn Malaga fyrr í mánuðinum. Bann Neymar var lengt í þrjá leiki eftir að Brasilíumaðurinn klappaði kaldhæðnislega fyrir dómaranum.

Real, sem á einn leik til góða á Barcelona, er með þriggja stiga forskot á toppnum. Leikurinn á sunnudag er gríðarlega þýðingamikill og gæti skorið úr um það hverjir verða meistarar.