Nú rétt í þessu var dregið í undanúrslit í Meistaradeildinni. Real Madrid og Atletico Madrid mætast í nágrannaslag á meðan Monaco leikur við Juventus.
Real lagði Atletico í vítaspyrnukeppni í úrslitaleiknum í fyrra. Árið 2014 sigraði Real í framlengingu þegar liðin áttust við í úrslitum. Þau mætast nú í undanúrslitunum.
Real lagði Atletico í vítaspyrnukeppni í úrslitaleiknum í fyrra. Árið 2014 sigraði Real í framlengingu þegar liðin áttust við í úrslitum. Þau mætast nú í undanúrslitunum.
Ljóst er að annað hvort Monaco eða Juventus fer í úrslitaleikinn. Monaco fór síðast í úrslit gegn Porto árið 2004 en Juventus mætti Barcelona í úrslitaleik árið 2015.
Undanúrslit
Real Madrid - Atletico Madrid
Monaco - Juventus
Fyrri undanúrslitaleikirnir fara fram 2 og 3. maí og þeir síðari viku síðar. Úrslitaleikurinn sjálfur fer fram í Cardiff í Wales þann 3. júní.
Athugasemdir