Lokaleikur dagsins í Championship deildinni var viðureign Cardiff City og Nottingham Forest en heimamenn sigruðu þar 2-1.

Sean Morrison sá til þess að Cardiff var með 1-0 forystu í hálfleik en hann skoraði á 35. mínútu.

Liam Bridcutt jafnaði fyrir gestina í upphafi seinni hálfleiks og staðan var jöfn þar til á 74. mínútu.

Þá skoraði íslenski landsliðsfyrirliðinn, Aron Einar Gunnarsson sigurmark Cardiff sem kom þeim aftur í 2. sætið.

Cardiff og Fulham eru í baráttu um annað sætið en liðið sem endar þar þarf ekki að fara í umspil um að komast í ensku úrvalsdeildina og fer beint upp.