Rúrik í landsleik á dögunum.
Rúrik Gíslason lék í hægri bakverði hjá Sandhausen þegar liðið gerði jafntelfi við fallbaráttulið Darmstadt í þýsku B-deildinni á þessum fallega laugardegi.
Rúrik var í hægri bakverði í dag en hann hefur verið að spila þá stöðu vel með Sandhausen. Hann gæti verið kostur fyrir íslenska landsliðið í hægri bakvörðinn en Birkir Már Sævarsson hefur eignað sér þá stöðu síðustu árin.
Rúrik var í hægri bakverði í dag en hann hefur verið að spila þá stöðu vel með Sandhausen. Hann gæti verið kostur fyrir íslenska landsliðið í hægri bakvörðinn en Birkir Már Sævarsson hefur eignað sér þá stöðu síðustu árin.
Sandhausen náði forystunni eftir 10 mínútur gegn Darmstadt og leiddi 1-0 í hálfleik.
Það tók Darmstadt hins vegar aðeins fimm mínútur í seinni hálfleik til þess að jafna metin og þar við sat, niðurstaðan 1-1 jafntefli.
Sandhausen er í áttunda sæti þýsku B-deildarinnar eftir að hafa verið í umspilsbaráttu framan af. Það eru þrír leikir eftir í deildinni og síðan tekur við HM þar sem Rúrik verður HM-hópi Íslands nema eitthvað komi upp á.
Athugasemdir
