ÍA fékk sín fyrstu stig í Pepsi-deildinni þegar liðið vann Fram 2-0. Mörk sitthvorum megin við hálfleikinn gerðu út um Framliðið sem hafði verið mun beittara fram að fyrra markinu með talsverðum meðvindi.
Lestu um leikinn: ÍA 2 - 0 Fram
„Þetta er frábært. Það er búið að hvíla svolítið á okkur (að vera stigalausir)," sagði Páll Gísli Jónsson, markvörður ÍA, sem átti frábæran leik í fyrri hálfleik.
„Menn voru alveg staðráðnir í að ná í þrjú stig í dag. Maður er ekki vanur þessu roki á Skaganum, þetta er svo sjaldan svona hérna. Það er erfitt að spila á móti þessu roki. Þessir boltar flökta mikið í loftinu," sagði Páll kíminn.
„Mér fannst við drepa leikinn með öðru markinu og eftir það var þetta aldrei í hættu."
viðtalið má sjá í heild í sjónvarpinu hér að ofan.
