Bjarni Ólafur jafnaði metin fyrir Val
Tveimur leikjum var að ljúka í fjórðu umferð Pepsi-deildar karla nú rétt í þessu, en ÍA vann öflugan 2-0 sigur á Fram í dag á meðan Stjarnan og Valur skildu jöfn.
Joakim Wrele kom Skagamönnum yfir undir lok fyrri hálfleiks áður en Hallur Flosason bætti við öðru marki. ÍA fer því upp úr fallsæti og í níunda sætið með sigrinum, en Fram er áfram í sjöunda sæti.
Stjarnan og Valur gerðu þá 1-1 jafntefli í Garðabæ. Michael Præst kom Stjörnunni yfir snemma leiks áður en Bjarni Ólafur Eiríksson jafnaði metin á 59. mínútu. Stjarnan því í fimmta sæti með 7 stig, en Valur í öðru sæti með 8 stig.
Úrslit og markaskorarar:
ÍA 2-0 Fram
1-0 Joakim Wrele ('45 )
2-0 Hallur Flosason ('49 )
Stjarnan 1-1 Valur
1-0 Michael Præst ('15 )
1-1 Bjarni Ólafur Eiríksson ('59 )
