Knattspyrnustjórinn Paul Clement stefnir á að styrkja hópinn hjá Swansea í sumar, hann ætlar ekki að selja sína bestu leikmenn.
Swansea var á botni ensku úrvalsdeildarinnar þegar Clement tók við í janúar, en hann náði að lokum að bjarga liðinu frá falli.
Swansea var á botni ensku úrvalsdeildarinnar þegar Clement tók við í janúar, en hann náði að lokum að bjarga liðinu frá falli.
Gylfi Þór Sigurðsson hefur verið besti leikmaður Swansea á tímabilinu. Hann hefur verið orðaður við önnur lið, en Clement ætlar að halda öllum sínum bestu leikmönnum, þar á meðal Gylfa.
„Við verðum að byggja og líta fram á veginn," sagði Clement eftir öflugan 2-1 sigur á West Brom í lokaumferðinni í dag.
„Ég býst ekki við miklum breytingum. Við viljum halda okkar bestu leikmönnum og styrkjast, ekki veikjast."
„Við erum ekki félag sem þarf að selja," sagði hann að lokum.
Sjá einnig:
Clement segir betra fyrir Gylfa að vera hjá Swansea en stórliði
Athugasemdir