Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   mán 21. maí 2018 12:30
Ívan Guðjón Baldursson
City ætlar að bjóða 100 milljónir í Hazard
Powerade
Mynd: Getty Images
Mynd: Getty Images
Slúðurpakki dagsins er eins og vanalega tekinn saman af BBC og eru áhugaverðir orðrómar í gangi þar sem styttist óðfluga í að félagaskiptaglugginn opnist.



Manchester City ætlar að bjóða 100 milljónir punda í Eden Hazard, 27, í sumar. (Daily Star)

Antonio Conte mun yfirgefa Chelsea í dag eða á morgun. Luis Enrique mun taka við. (Express)

Conte segir að leikmannahópur Chelsea þurfi mikla vinnu til að skila árangri hvort sem hann verður áfram við stjórnvölinn eða ekki. (Telegraph)

Samningsviðræður Napoli við Maurizio Sarri ganga ekki vel og hefur Carlo Ancelotti verið orðaður við starfið. (Mirror)

Unai Emery gæti tekið við stjórastarfinu hjá Arsenal þar sem stjórnin virðist ekki vera fullkomlega sannfærð um að ráða Mikel Arteta. (Daily Mail)

Paul Pogba gat ekki fullvissað fréttamenn um að hann yrði áfram hjá Manchester United eftir sumarið. Hann sagði að „allt getur gerst í fótbolta". (Daily Mail)

Milan er búið að bjóða Marouane Fellaini þriggja ára samning. Fellaini verður samningslaus í sumar eftir fimm ár hjá Man Utd. (Times)

Stuðningsmenn Atletico Madrid bauluðu á Antoine Griezmann gegn Eibar um helgina. Griezmann hefur verið orðaður sterklega við félagaskipti til Barcelona. (Express)

Man Utd vill fá Toby Alderweireld frá Tottenham í sumar en leikmaðurinn sjálfur er opinn fyrir því að fara á Old Trafford. Samningur hans við Tottenham er til 2020. (Mirror)

West Ham mun ráða Manuel Pellegrini í sumar og ætlar stjórinn að fá hinn 35 ára gamla Yaya Toure með sér til Lundúna. (Telegraph)

David Wagner er búinn að skrifa undir nýjan samning við Huddersfield þrátt fyrir áhuga frá Borussia Dortmund, Leicester og Southampton á starfskröftum hans. (Times)

Jack Wilshere, 26, ætlar að skrifa undir þriggja ára samning hjá Arsenal þrátt fyrir góð samningstilboð frá Everton og Wolves. (Mirror)

Man Utd hefur náð samkomulagi við Anderson Talisca, 24 ára miðjumanni Benfica sem er á láni hjá Besiktas. (Daily Star)

Piotr Zielinski, 24, er við það að skrifa undir fimm ára samning við Napoli. Liverpool hefur áhuga á miðjumanninum. (Sun)

Max Meyer, 22 ára miðjumaður Schalke, var orðaður sterklega við Arsenal og Liverpool en hefur ákveðið að fara frekar til Hoffenheim. (Leipziger Volkszeitung)

Santi Cazorla mun æfa með Villarreal á undirbúningstímabilinu eftir að samningur hans hjá Arsenal rennur út. (Evening Standard)

Jose Mourinho eyddi Instagram aðganginum sínum eftir tap gegn Chelsea í úrslitaleik bikarsins. (Sun)
Athugasemdir
banner
banner
banner
banner
banner