ÍBV gerði markalaust jafntefli við FH er liðin mættust í fyrsta leik 5. umferðar Pepsi-deildarinnar í Vestmannaeyjum.

Hafnfirðingar byrjuðu mun betur og voru óheppnir að komast ekki yfir á fyrstu mínútunum. Eyjamenn fengu hálffæri en gestirnir héldu áfram að ógna og staðan markalaus í hálfleik.

Síðari hálfleikurinn var í járnum fyrstu tuttugu mínúturnar en bæði lið fengu góð færi til að skora á síðasta hálftímanum.

Boltinn fór þó ekki inn og kræktu Eyjamenn í sitt annað stig á tímabilinu á meðan FH-ingar eru í öðru sæti, með tíu stig.

Hægt er að skoða textalýsingu úr leiknum hér. Frekari umfjöllun og viðtöl birtast innan skamms.