Titill Börsunga var í höfn fyrir löngu og síðasti leikur tímabilsins snérist því um að kveðja hinn 34 ára Iniesta sem er á förum í sumar.

Eftir leikinn hafði Valverde aðeins góða hluti að segja um Iniesta.

„Við vildum keppa og vinna en dagurinn var dagur Andres og stuðningsmennirnir gerðu hann einstakan," sagði Valverde.

„Leikmenn eins og hann gleymast ekki. Hann og Messi eru einstakir."

Iniesta hefur ekki enn staðfest hvað hann verður á næsta tímabili en nýjustu fregnir herma að hann sé á leið til Japans.