Gunnlaugur Jónsson, þjálfari Þróttar.
„Fyrst og fremst er ég náttúrulega ánægður með sigurinn, þessi þrjú stig," sagði Gunnlaugur Jónsson, þjálfari Þróttar, eftir 5-2 sigur sinna manna gegn Haukum á Ásvöllum.
Lestu um leikinn: Haukar 2 - 5 Þróttur R.
„Við náum loksins að tengja saman sigra. Það var mikið undir fyrir þennan leik, liðin á sama stað og dálítið spurning hvort þeirra ætlaði sér að fylgja þessum fjórum efstu. Við byrjum þennan leik gríðarlega sterkt, ég var gríðarlega ánægður með fyrri hálfleikinn. Við vorum þéttir og skipulagðir. Við kannski fengum ekkert alltof mikið af færum en nýttum þau vel sem við fengum."
„Ég er gríðarlega ósáttur með hvernig við byrjuðum seinni hálfleikinn. Þar erum við bara ekki mættir og svona eitthver værukærð og slaki. Bæði í varnarleiknum, gefum þeim færi á að skora mark en við fáum fín færi engu að síður á þessum tíu mínútna kafla í byrjun seinni hálfleiks en nýtum þau ekki. Þannig að það er svona einbeitingarleysi sem ég er ekki ánægður með. Engu að síður erum við hættulegir og við komum þessu 3-1 marki sem var mikilvægt."
Viðtalið í heild sinni má sjá í spilaranum hér fyrir ofan.
Athugasemdir
