Íslenska liðið fyrir æfingu í dag.
Japanskir sjónvarpsmenn mættu með reglustiku fyrir æfingu íslenska liðsins í dag og freistuðu þess að mæla hæðina á grasinu á Volgograd leikvanginum.
Mælingar þeirra eru nokkuð ómarktækar þar sem þeir gátu einungis mælt grasið fyrir utan leikvöllinn sjálfan. Það gras er hærra en grasið á vellinum.
Engu að síður kom spurning um mælingar þeirra á fréttamannafundi Íslands. Þar vitnaði rússneskur útvarpsmaður í mælingar Japanana og bað um skoðun Heimis Hallgrímssonar og Arons Einars Gunnarssonar á vellinum.
Mælingar þeirra eru nokkuð ómarktækar þar sem þeir gátu einungis mælt grasið fyrir utan leikvöllinn sjálfan. Það gras er hærra en grasið á vellinum.
Engu að síður kom spurning um mælingar þeirra á fréttamannafundi Íslands. Þar vitnaði rússneskur útvarpsmaður í mælingar Japanana og bað um skoðun Heimis Hallgrímssonar og Arons Einars Gunnarssonar á vellinum.
„Mér fannst völlurinn vera mjög góður. Hann er mjög þurr sem er skiljanlegt, en annars fannst mér völlurinn vera í lagi," sagði Heimir en 33 stiga hiti var þegar æfing Íslands fór fram í dag.
„Um leið og þeir vökvuðu völlinn þá varð hann strax betri, en þegar hann verður þurr þá stoppar boltinn fyrr. Það var gott að fá æfingu á leikvellinum og kynnast honum aðeins. Það hjálpar alltaf," sagði Aron.
Athugasemdir
