Rússarnir eru hrifnir af bílnum.
Félagarnir Kristbjörn Hilmir Kjartansson og Grétar Jónsson fóru aðra leið til Rússlands en flestir aðrir stuðningsmenn íslenska landsliðsins. Þeir ákváðu að keyra yfir til Rússlands á Lödu Sport bifreið sem skartar fánalitum Íslands.
Þeir lögðu af stað 5. júní og eru búnir að keyra í gegnum Þýskaland, Pólland, Litháen og Lettland til að komast til Rússlands. Þeir eru núna staddir í Volgograd þar sem Ísland mætir Nígeríu á morgun.
„Það hefur gengið stórvel, við höfum ekki átt í neinum stórvægilegum vandræðum," sögðu þeir félagar við Fótbolta.net í dag. Þeir lentu í vandræðum í Moskvu þegar kælikerfið hætti að virka. Það var lagað og bíllinn er kominn á fulla ferð núna.
Þeir lögðu af stað 5. júní og eru búnir að keyra í gegnum Þýskaland, Pólland, Litháen og Lettland til að komast til Rússlands. Þeir eru núna staddir í Volgograd þar sem Ísland mætir Nígeríu á morgun.
„Það hefur gengið stórvel, við höfum ekki átt í neinum stórvægilegum vandræðum," sögðu þeir félagar við Fótbolta.net í dag. Þeir lentu í vandræðum í Moskvu þegar kælikerfið hætti að virka. Það var lagað og bíllinn er kominn á fulla ferð núna.
„Þetta hefur vekið töluvert meiri athygli en við bjuggumst nokkurn tímann við. Við vonuðumst þannig séð ekki eftir athygli en Rússinn er búinn að taka þvílíkt vel í þetta. Á endanum þurftum við að boða til blaðamannafundar í Moskvu og hér í Volgograd. Við munum gera það sama í Rostov."
„Það eru nokkrir fjölmiðlar sem vilja fá okkur til Moskvu eftir. Þegar Ísland kemst áfram þá förum við kannski þangað aftur."
Þeir félagar spá Íslandi auðvitað sigri á morgun gegn Nígeríu en viðtalið í heild sinni er hér að ofan.
Athugasemdir
