„Fyrstu viðbrögð, alltof mikið af mörkum. Alltof mikið af auðveldum mörkum sem við erum að fá á okkur," sagði Kristján Ómar Björnsson, þjálfari Hauka, eftir 5-2 tap hans manna fyrir Þrótti á Ásvöllum.
Lestu um leikinn: Haukar 2 - 5 Þróttur R.
„Mörkin hefðu mögulega getað verið fleiri ef maður á að vera raunsær. Eins furðulegt og það hljómar þá var margt ágætt í gangi í sóknarleiknum hjá okkur en þá eitthvern veginn þurfti varnarleikurinn að gjörsamlega molna niður í ekki neitt og við áttum í rauninni ekki neitt skilið út úr þessum leik, nákvæmlega ekki neitt."
„Fyrstu 20-25 mínúturnar þá gerðum ekki nokkur maður eitt einasta atriði sem ég bað þá um að gera. Við vöknuðum eitthvað örlítið til lífsins þegar það leið eitthvað á hálfleikinn og við byrjuðum náttúrulega seinni hálfleikinn mjög vel, komum okkur inn í leikinn, skorum mark og mér fannst svona aðeins rikta í hjá þeim. Svo svona kæfðu þeir það með því að setja mark í andlitið á okkur aftur þegar við vorum farnir að færa okkur upp á skaftið.
„Svo tökum við smá sénsa í lokinn og fáum á okkur náttúrulega bara eitt svona gefins mark úr eitthverju breiki en sigurinn þeirra var sanngjarn."
Viðtalið í heild sinni má sjá í spilaranum hér að ofan.
Athugasemdir