Loftus-Cheek í leik með Palace á síðasta tímabili
Ruben Loftus-Cheek gæti yfirgefið Chelsea ef hann mun ekki fá byrjunarliðssæti í liðinu á næsta tímabili.
Frá árinu 2014 hefur hann leikið 31 leik fyrir Chelsea og 19 af þeim hefur hann komið inn á sem varamaður.
Loftus-Cheek var á láni hjá Crystal Palace í fyrra.
Hann er í landsliðshópi Englands á HM og kom inn á gegn Túnis og svo gæti farið að hann byrji gegn Panama á sunnudag ef Dele Alli verður ekki klár.
En Loftus-Cheek veit að hann þarf að spila reglulega með félagsliði ef hann ætlar að vera áfram í landsliðinu.
„Það er lykillinn fyrir næsta tímabil, sama hvar ég enda. Ég vil spila. Ég vil spila eins mikið og ég get," sagði Englendingurinn ungi.
Athugasemdir
