Fyrsta skipti síðan 1974 sem Argentína nær ekki að vinna fyrstu tvo leiki sína
Það er súrt yfir Argentínumönnum þessa stundina
Argentína tapaði 3-0 gegn Króötum í kvöld en þetta er stærsta tap Argentínu í riðlakeppni HM frá því árið 1958.
Argentína tapaði þá 6-1 gegn Tékkóslóvakíu.
Argentína eru tvöfaldir heimsmeistarar og ein stærsta þjóðin á HM.
Þá komust þeir í úrslitaleikinn á síðasta heimsmeistaramóti en töpuðu gegn Þjóðverjum.
Nú er hins vegar útlitið orðið svart fyrir Argentínu en liðið er í mikilli hættu með að falla úr leik strax í riðlakeppninni.
Þá er þetta í fyrsta skipti síðan árið 1974 þar sem Argentína nær ekki að vinna tvo fyrstu leiki sína í riðlakeppninni en ásamt tapinu í kvöld gerði Argentína jafntefli gegn Íslendingum líkt og alþjóð veit.
Athugasemdir
