Ráðgert er að glæsilegur knattspyrnuvöllur rísi á svæðinu með stórri stúkubyggingu en auk þess mun sér bygging fyrir búningsklefa verða staðsett fyrir aftan annað markið.

Þá verður fjölnota inniíþróttahús sambyggt stúkubyggingunni auk knattspyrnuhúss í hálfri stærð. Gengið verður þannig frá málum að hægt verður að stækka knattspyrnuhúsið í fulla stærð í framtíðinni.

Framkvæmdir við lagningu glæsilegs frjálsíþróttavallar á svæðinu eru þegar hafnar og er ljóst að gríðarlega spennandi tímar eru framundan hjá þessu stóra félagi.

Segja má að forkálfar ÍR og stuðningsmenn hafi sýnt þessum málum ómælda þolinmæði en þrátt fyrir að ýmsar hugmyndir hafi verið uppi uppi um uppbyggingu á svæðinu frá því að ÍR hóf þar starfsemi í lok áttunda áratugar síðustu aldar hefur aldrei orðið neitt úr þeim að ráði.

Segja má að máltækið, þolinmæði þrautir vinnur allar, eigi vel við um ÍR-inga og ber að óska þeim til hamingju með komandi uppbyggingu.