fös 21. júlí 2017 12:16
Magnús Már Einarsson
Nikolaj Hansen æfir með Víkingi R. - Jovanovic farinn
Ivica Jovanovic spilar ekki fleiri leiki með Víkingi.
Ivica Jovanovic spilar ekki fleiri leiki með Víkingi.
Mynd: Fótbolti.net - Hafliði Breiðfjörð
Víkingur R. hefur gert starfslokasamning við serbneska framherjann Ivica Jovanovic. Þetta staðfesti Heimir Gunnlaugsson varaformaður knattspyrnudeildar í samtali við Fótbolta.net í dag.

Ivica kom til Víkings í vor og skoraði þrjú mörk í níu deildar og bikarleikjum með liðinu. Síðasti leikur hans var gegn ÍBV í Borgunarbikarnum í byrjun mánaðarins.

Víkingur er að skoða Nikolaj Hansen, framherja Vals, en hann hefur æft með liðinu undanfarna daga.

Nikolaj hefur ekki verið í leikmannahópi Vals í undanförnum leikjum og hann fór ekki með liðinu í Evrópuleikinn gegn Domzale í Slóveníu í gær. Nikolaj hefur skorað tvö mörk í sex leikjum í Pepsi-deildinni í sumar.

Víkingur skoðar Nikolaj nú áður en ákveðið verður hvort samið verði við hann eða ekki.

Víkingur fékk Veigar Pál Gunnarsson frá FH fyrr í mánuðinum en á sama tíma fór Muhammed Mert frá félaginu eftir að hafa spilað lítið.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner