Freyr Alexandersson, Sif Atladóttir og Glódís Perla Viggósdóttir sátu öll fyrir svörum á fréttamannafundi landsliðsins í dag. Þau sprungu öll úr hlátri yfir spurningu frá fréttamanni Fótbolta.net tengda vellinum sem þær spila á, á morgun. Erfitt er að lýsa því í orðum, afhverju þau fóru að hlæja en hægt er að sjá uppákomuna í myndskeiðinu hér að neðan.

„Ég veit ekki alveg hvað þú ert að tala um," sagði Sif Atladóttir spurð út í það hvernig henni leið að koma á völlinn aftur. Hún segir að þetta trufli liðið lítið.

„Það eru allir brjálæðislega peppaðir fyrir þennan leik. Við erum frekar allar að hugsa um að við viljum koma hingað aftur og þekkjum völlinn vel. Það eru allir spenntir fyrir leiknum á morgun og ég held að það verðg góð stemning á æfingunni á eftir. Grasið er grænt og sólin skín og Íslendingar eru á svæðinu. Þetta verður ekki betra," sagði Sif að lokum.

Hægt er að sjá spurninguna og svar Sifjar í myndskeiðinu hér að neðan. Spurningin hefst þegar fjórar mínútur og 20 sekúndur eru liðnar af fundinum.



Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki