Kristján Guðmundsson.
Kristján Guðmundsson, þjálfari Keflavíkur, var að vonum svekktur eftir 1-0 tap sinna manna gegn Fylki í Pepsi-deildinni í dag.
,,Okkur tókst ekki að skora, það var helvíti vont. Það er kannski sérstakt að við skyldum fá betri færi í fyrri hálfleik heldur en seinni, því mér fannst við spila seinni hálfleikinn aðeins betur," sagði Kristján.
,,Við vorum alls ekki nógu góðir og náðum ekki upp okkar eðlilega leik, margir leikmenn. Sennilega var einhvers konar spenna, menn að hugsa um hluti sem skipta endilega ekki máli."
,,Við erum í þessari erfiðu stöðu, en þetta er erfitt þegar þú ert ekki búinn að vinna fótboltaleik í deildinni í hálfa umferð. Það er erfitt. Þegar það heppnast ekki einhverjir hlutir, þá ferðu kannski ósjálfrátt að hugsa um einhverja neikvæða hluti sem þú ræður ekkert við, í stað þess að halda áfram."
,,Það er ljóst að við þurfum að vinna einn eða tvo leiki, það er alveg ljóst. Við getum það, við ætlum okkur það."
Athugasemdir
