Matthías Vilhjálmsson skoraði sigurmark Start í 1-0 sigri á Viking á útivelli í Norsku úrvalsdeildinni í dag.
Þrír Íslendingar voru í byrjunarliði Viking, þeir Jón Daði Böðvarðsson, Indriði Sigurðsson og Sverrir Ingi Ingason. Hjá Start byrjuðu Guðmundur Kristjánsson auk Matthíasar en Robert Sandnes, sem lék með Stjörnunni í fyrra kom inn á lið Start í síðari hálfleik.
Með sigrinum þokaði Start sér betur frá fallsvæðinu og situr 10. sæti deildarinnar. Viking siglir hins vegar lygnan sjó í sjöunda sætinu.
Athugasemdir