Hlutverk Giggs í liðsræðunum er m.a. að fara ýtarlega yfir lið andstæðinganna og hjálpa van Gaal að útbúa æfingaáætlun út frá þeim í upphafi undirbúnings fyrir leiki. Þetta gerir Giggs meðal annars með hjálp upplýsinga frá njósnurum félagsins.

Giggs fær upplýsingar njósnaranna í hendur, býr til sína eigin kynningu út frá þeim. Hann hins vegar þarf að sýna van Gaal handritið af ræðunni áður en hann fer með hana á sjálfan liðsfundinn.

„Ég undirbý alla leiki okkar mjög vandlega og Giggs aðstoðar. Ég veit allt um andstæðinganna sem við mætum, styrkleika og veikleika einstaklinga og meira að segja hvernig skiptingar eru gerðar. Ég veit hvernig andrúmsloftið verður á leikdegi, hvernig þeir munu taka aukaspyrnur og hreinlega allt,“ sagði van Gaal í viðtali við enska fjölmiðla.