þri 21. október 2014 09:30
Magnús Már Einarsson
Heimild: BBC 
Pique aftur til Manchester United?
Powerade
Gerard Pique.
Gerard Pique.
Mynd: Getty Images
Januzaj er orðaður við Real Madrid í slúðrinu.
Januzaj er orðaður við Real Madrid í slúðrinu.
Mynd: Getty Images
Slúðurpakkinn er á sínum stað á þessum snjómikla þriðjudegi.



Manchester United er að undirbúa 20 milljóna punda tilboð í Gerard Pique (27) varnarmann Barcelona. Pique var hjá Manchester United áður en hann fór aftur í sitt gamla félag Barcelona árið 2008. (Daily Star)

Manchester United ætlar að bjóða Sami Khedira (27) miðjumanni Real Madrid samning upp á 5,5 milljónir punda á ári til að hafa betur gegn Chelsea og Arsenal í baráttunni um hann. (Daily Express)

AC Milan hefur einnig áhuga á Khedira. Ítalska félagið vill líka fá Suso (20) frá Liverpool. (Daily Mail)

QPR gæti látið Rio Ferdinand (36) fara í janúar eftir einungis hálft ár hjá félaginu. Rolando (29) hjá Porto og Winston Reid (26) hjá West Ham er á óskalista QPR í staðinn. (Daily Mirror)

Liverpool mun berjast við Juventus og nokkur spænsk félög um Ruben Neves (17) miðjumann Porto. (Daily Mirror)

FC Bayern ætlar að reyna að fá Marco Reus (25) frá Dortmund en Arsenal, Liverpool og Manchester United hafa einnig áhuga. (Daily Star)

Brendan Rodgers, stjóri Liverpool, segist hafa áhuga á að stýra liði á Spáni einn daginn. (AS)

Jamie Carragher telur að Rodgers eigi að taka Mario Balotelli út úr byrjunarliði Liverpool fyrir leikinn gegn Real Madrid á morgun. Carragher vill sjá Raheem Sterling byrja frammi. (Daily Mail)

Erik Lamela (22) telur að Tottenham geti náð Meistaradeildarsæti á þessu tímabili þrátt fyrir 4-1 tap gegn Manchester City um helgina. (Evening Standard)

Ahmed Musa, framherji CSKA Moskvu, segir að vörn Manchester City sé mjög veik en þessi lið mætast í Meistaradeildinni í kvöld. (Manchester Evening News)

Will Buckley (24), kantmaður Sunderland, segir ekki rétt að liðið hafi gefist upp í 8-0 tapinu gegn Southampton um helgina. (Evening Chronicle)

Real Madrid er að íhuga 22 milljóna punda tilboð í Adnan Januzaj (19) hjá Manchester United. (AS.com)

Arsenal, Chelsea og Tottenham höfnuðu öll tilboði um að krækja í Raheem Sterling áður en hann samdi við Liverpool árið 2012. (Daily Express)
Athugasemdir
banner
banner
banner
banner