France Football greinir frá því í dag að franska félagið Paris Saint Germain hafi reynt að fá Luis Suarez frá Liverpool áður en úrúgvæski sóknarmaðurinn var seldur til Barcelona.
PSG gerði tilboðið skömmu eftir að Suarez beit Giorgio Chiellini á HM en þá varð það nokkuð ljóst að hann væri á förum.
PSG bauð Edinson Cavani í skiptum en Cavani hefur ekki fundið sig hjá franska stórliðinu, meðal annars því hann er látinn spila mikið úti á vængnum þegar Zlatan Ibrahimovic er leikfær.
Sjálfur vildi Suarez fara til Barcelona en þar er fjölskylda eiginkonu hans búsett. Samkvæmt fréttum reyndi Liverpool að fá Alexis Sanchez á móti en Sílemaðurinn ákvað að ganga í raðir Arsenal.
Athugasemdir