Viktor Bjarki Arnarsson er fimmti leikmaðurinn sem yfirgefur herbúðir Fram síðan liðið féll úr Pepsi-deildinni. Frá þessu er greint á Vísi.
Þessi reyndi miðjumaður gekk í raðir Fram frá KR 2012 en hann hefur sagt upp samningi sínum. Viktor hefur áður leikið fyrir KR, Fylki og uppeldisfélagið Víking í Reykjavík.
Hann var valinn leikmaður ársins 2006.
Áður höfðu Hafsteinn Briem, Jóhannes Karl Guðjónsson, Arnþór Ari Atlason og Guðmundur Magnússon yfirgefið bláliða.
Athugasemdir