Alli fagnar marki.
Dele Alli er eins og hestur sem ekki er búið að temja. Þetta segir Mauricio Pochettino, stjóri Tottenham.
Alli var dæmdur í þriggja leikja bann á síðasta tímabili fyrir að kýla Claudio Yacob, leikmann WBA. Hinn tvítugi Alli safnaði einnig spjöldum á síðasta tímabili en hann hefur einungis fengið eitt spjald í fyrstu 14 leikjunum á þessu tímabili.
Alli var dæmdur í þriggja leikja bann á síðasta tímabili fyrir að kýla Claudio Yacob, leikmann WBA. Hinn tvítugi Alli safnaði einnig spjöldum á síðasta tímabili en hann hefur einungis fengið eitt spjald í fyrstu 14 leikjunum á þessu tímabili.
„Hann er mjög hæfileikaríkur en hann er frekar villtur. Núna er verið að temja hann. Hann má samt ekki tapa þessum einkennum alveg, þau gera hann að sérstökum leikmanni," sagði Pochettino.
„Þetta er eins og þegar þú ert með villtan hest og setur hann inn í kassa og reynir að temja hann."
„Þetta er alltaf ferli hjá ungum leikmönnum að verða þroskaðari, reynslumeiri og einbeittari í að spila fótbolta. Hann er sérstakur og frábær náungi. Við eigum í mjög góðu sambandi. Hann er mjög tilfinningaríkur og við elskum hann öll."
Athugasemdir
