Oddo er fyrrum landsliðsmaður Ítalíu en hann spilaði einn leik á HM 2006 þar sem Ítalía stóð uppi sem sigurvegari. Hann er fyrrum þjálfari Pescara.

Tapleikur gegn Cagliari um liðna helgi reyndist hálmstráið hjá Del Neri sem entist þrettán mánuði í starfi.

Emil hefur ekki spilað síðustu leiki Udinese vegna meiðsla.

„Ég þakka félaginu fyrir þetta tækifæri. Þetta er félag með mikinn metnað og frábærar aðstæður, æfingasvæðið og leikvangurinn til dæmis," segir Oddo.

„Ég er viss um að þessi leikmannahópur geti náð árangri. Það eru hæfileikaríkir leikmenn hér og spennandi ungir leikmenn. Frá og með deginum í dag byrja allir á núlli."

Leikmenn Udinese koma frá öllum heimshornum; Brasilíu, Íslandi, Írak og Fílabeinsströndinni sem dæmi. Liðið er í 14. sæti ítölsku A-deildarinnar, aðeins þremur stigum frá fallsæti.