Alan Irvine.
Alan Irvine, þjálfari West Brom átti erfitt með að útskýra hvað fór úrskeiðis í 3-2 tapi liðsins gegn QPR í gær.
West Brom voru komnir 2-0 yfir eftir aðeins 20 mínútur á Loftus Road eftir mörk frá Joleon Lescott og Silvestre Varela en þrenna frá Charlie Austin tryggði QPR sigur.
Öll mörk QPR komu eftir hornspyrnur, en Irvine neitaði að liðið ætti í erfiðleikum með að verjast föstum leikatriðum.
,,Við erum góðir að verjast þeim," sagði Irvine.
,,Við fáum ekki auðveld mörk á okkur úr föstum leikatriðum, við vinnum mikið í þeim og erum tilbúnir. Við vitum hvað við þurfum að gera en við gerðum það ekki nógu vel í dag."
,,Það er erfitt að taka þessu þar sem við spiluðum vel. Við vorum betra liðið en við vörðumst ekki nógu vel í hornspyrnum. Það kostaði sitt í lokin."
Athugasemdir
