Þetta eru frábærar fréttir fyrir FH og við förum glaðir inn í jólin," segir Ólafur Páll Snorrason, aðstoðarþjálfari FH, um nýjasta leikmann Hafnarfjarðarliðsins en Halldór Orri Björnsson var í dag kynntur sem nýjasti leikmaður Íslandsmeistarana.
„Hann kemur með ákveðinn þunga í sóknarleikinn, þar sem umtalað var síðasta sumar að ekki hefði gengið nægilega vel hjá FH-liðinu. Þar erum við að safna liði. Hann kemur með frábæra eiginleika í sóknina"
„Þetta mál var klárað mjög fljótt enda er þetta leikmaður sem við höfðum gríðarlega mikinn áhuga á að fá í okkar raðir þegar þetta kom upp. Það var gengið hratt til verks og við erum gríðarlega ánægðir."
Heimir Guðjónsson, þjálfari FH, sagði í viðtali á dögunum að styrkja þyrfti allar línur liðsins.
„Við erum ekki hættir eins og staðan er í dag. Við áætlum að fá fleiri leikmenn en hvenær það verður er erfitt að segja. Við stefnum að því að styrkja liðið enn frekar," segir Ólafur Páll.
„Við erum með ákveðinn lista sem við erum að reyna að vinna úr. Það eru nöfn á honum sem við erum að herja á þessa dagana. Vonandi gerist það sem fyrst. Það er sterkt að ná að loka hópnum sem fyrst. Sjáum hvað gerist á næstu vikum."
Viðtalið má sjá í heild í sjónvarpinu hér að ofan.
Athugasemdir