Fram er án stiga eftir tvo leiki í Reykjavíkurmótinu eftir 2-0 tap fyrir KR í Reykjavíkurmótinu í kvöld. Eins og allir vita hafa orðið gríðarlega miklar breytingar á hópi Fram og Kristinn Rúnar Jónsson, þjálfari liðsins, er að púsla saman nýju liði fyrir baráttuna í 1. deildinni á komandi sumri.
Lestu um leikinn: KR 2 - 0 Fram
„Það var vorbragur í þessum leik. Það voru margir ungir leikmenn að spila og margt jákvætt sem hægt er að taka úr þessu. Við erum bara að byrja og erum að sjá hvar við stöndum og þessir strákar sem við eigum," segir Kristinn.
„Við erum að búa til algjörlega nýtt lið og það tekur sinn tíma. Við munum skoða eftir Reykjavíkurmótið hvað við þurfum að gera, við munum styrkja þetta, það er alveg ljóst."
„Það er alltaf menn að hringja og spyrja hvort þeir megi koma á æfingar. Það er fullt af fótboltamönnum á Íslandi."
Viðtalið má sjá í heild sinni í sjónvarpinu hér að ofan.
Athugasemdir
