Diego Costa sneri aftur í lið Chelsea eftir háværan orðróm um að félagið hefði áhuga á að selja hann til Kína og sýndi hann gamalkunna takta.

Slæm höfuðmeiðsli Ryan Mason í fyrri hálfleik leiddu til þess að níu mínútum var bætt við fyrri hálfleikinn og stuttu áður en honum lauk brutu heimamenn ísinn. Þar var að sjálfsögðu enginn annar að verki en Diego nokkur Costa eftir góða sendingu frá Victor Moses.

Gestirnir lögðu þó ekki árar í bát og börðust hetjulega í síðari hálfleik allt þar til á 80. mínútu þegar Gary Cahill skoraði annað mark heimamanna, gegn gangi leiksins.

Lokatölur því 2-0 og Chelsea komið með átta stiga forskot á Arsenal sem situr í öðru sæti.