Guðmundur Benediktsson, eða Gummi Ben eins og hann er kallaður, stjórnaði á dögunum útvarpsþætti hjá BBC World Service þar sem hann fer yfir sögu útvarps- og sjónvarpslýsinga á fótboltaleikjum en hana má rekja 90 ár aftur í tímann.
Lýsingar Gumma Ben á leikjum Íslands á Evrópumótinu í sumar fóru á flug á samfélagsmiðlum og hafa upptökur af lýsingu hans á leik Englands og Íslands fengið mörg hundruð þúsund áhorf.
Það er því sennilega vel við hæfi að BBC hafi ákveðið að nýta krafta hans í þessum magnaða þætti þar sem farið er yfir sögu lýsinga á fótboltaleikjum og hvernig hlutverk þeirra hefur þróast í gegnum árin.
Hægt er að hlusta á þennan stórskemmtilega þátt á heimasíðu BBC með því að smella hér.
Athugasemdir