Paul Pogba og Antoine Griezmann eru þekktir fyrir vinskap sinn og segir sá fyrrnefndi að samband þeirra utan vallar hjálpi þeim að spila betur saman.

„Ég á alltaf góða tíma með Griezmann," sagði Pogba við Telefoot.

„Hann er mér sem bróðir, við erum alltaf saman. Þegar þér líður vel með samherjum þínum utan vallar þá gengur betur inn á vellinum og það er það sem gerist hjá franska landsliðinu."

Fjölmiðlar í Englandi segja að forráðamenn Manchester United og Atletico Madrid hafi rætt möguleg félagsskipti en Jose Mourinho er sagður tilbúinn að borga út klásúlu Frakkans sem er 100 milljón evrur.