Allt kom þó fyrir ekki hjá Burnley en Arsenal fengu einnig vítaspyrnu í uppbótartíma sem Alexis Sanchez afgreiddi og sendi Arsenal í annað sætið.

Aaron Ramsey segir að þetta hafi verið erfiður leikur en verðskulduð úrslit.

„Það var miklu bætt við og við héldum bara áfram. Þetta er ekki auðvelt manni færri en þú verður að halda áfram að spila. Við vitum að við getum skapað færi þótt við séum bara 10," sagði Ramsey í viðtali við Sky Sports eftir leik.

„Þeir fóru í langa bolta eftir rauða spjaldið, settu Sam Vokes inn á sem er erfitt að eiga við en vörnin okkar hélt vel og við getum verið ánægðir."