Á sama tíma og Manchester United tilkynnti að félagið væri búið að fá Alexis Sanchez skrifaði belgíski miðjumaðurinn Kevin de Bruyne undir nýjan samning við nágrannana í Manchester City.
Topplið ensku úrvalsdeildarinnar eru búnir að binda þennan magnaða leikmann til ársins 2023.
Að margra mati hefur De Bruyne verið besti leikmaður ensku úrvalsdeildarinnar í vetur. Hann hefur skorað sex mörk og átt tíu stoðsendingar í deildinni.
De Bruyne var keyptur frá Wolfsburg á 55 milljónir punda í ágúst 2015.
Hann er algjör lykilmaður hjá þeim ljósbláu sem eru í baráttu um fjóra titla á þessu tímabili.
Athugasemdir